Colombo Today Local News

පැය 24ක් තුළ රිය අනතුරුවලින් මරණ 11ක්

රිය අනතුරුවලින් දිනකට 10 දෙනෙකු හෝ 11 දෙනෙකු මියයෑම සාමාන්‍ය තත්ත්වයට වඩා වැඩි බව නියෝජ්‍ය පොලිස්පති අජිත් රෝහණ මහතා පවසයි.

ඒ හේතුවෙන් රිය අනතුරු වළක්වා ගැනීමට ජනතාව මීට වඩා වැඩි අවධානයකින් කටයුතු කළයුතු බව ඔහු පෙන්වා දෙයි.

රිය අනතුරුවලින් දිනකදී තුවාල ලබන සංඛ්‍යාව 40ක් දක්වා වර්ධනය වී ඇති බවද අජිත් රෝහණ මහතා පැවසීය.

ලංකාව තුළ දිනකට වාර්තාවන රිය අනතුරු සංඛ්‍යාව 120ක් දක්වා ද වැඩි වී තිබේ.

අධික වේගය, බීමත්ව රිය පැදවීම, මාර්ග සංඥා නොතකා කටයුතු කිරීම මෙම අනතුරුවලට මූලික හේතුව ලෙස හඳුනාගෙන තිබේ.

පසුගිය පැය 24ක කාලය තුළ රිය අනතුරුවලින් සිදුවූ මරණ 11ක් පමණ වාර්තා වී ඇති බව පොලිස් මාධ්‍ය ප්‍රකාශක, නියෝජ්‍ය පොලිස්පති අජිත් රෝහණ මහතා සඳහන් කරයි.

ඉන් මරණ 09ක් ඊයේ සිදුවූ රිය අනතුරුවලින් සිදුව ඇති අතර තවත් මරණ 2ක් ඊට පෙර සිදුවූ අනතුරුවලින් රෝහල්ගතකර සිටියදී ඊයේ සිදුව තිබූ මරණයන් ය.

යතුරුපැදිකරුවන් 5 දෙනෙක් සහ පදිකයින් 4 දෙනෙක් එළෙස මියගිය අය අතර වේ.

Related posts

පාස්කු ප්‍රහාරය වලක්වා නොගැනීම: හිටපු ජනපති මෛත්‍රී සහ හිටපු අගමැති රනිලුත් උසාවි ගේන්න දින නියම කෙරේ

colombotoday

කොටි සැකකරුවන් නිදහස් කරන්නැයි ඉල්ලා වව්නියාවේ උද්ඝෝෂණ…

colombotoday

මාස හතරකට ඩීසල් ගන්න ප්‍රසම්පාදනය පිරිනමන්න අනුමැතිය

Admin

උද්ඝෝෂණ, වර්ජන මඩින්න ෆොන්සේකා යටතේ විශේෂ බළකායක් !

colombotoday

රැකියාවක් සොයා ගන්නට බැරි වූ තරුණයකුගේ දිවිනසා ගනී…

Admin

“ලංකාව බෞද්ධ රටක් නොවේ.. මේක සිංහල රටක් කියන එක තරයේ ප්‍රතික්ෂේප කරනවා” – විග්නේෂ්වරන්ගෙන් ඉතිහාසය අලුතෙන් ලියයි

colombotoday