Colombo Today Local NewsUncategorized

වනිඳු ට යලිත් තරග තහනමක්

බංග්ලාදේශය සමග පැවැති එක් දින ක්‍රිකට් තරගාවලියේදී අන්තර්ජාතික ක්‍රිකට් කවුන්සිල ආචාර ධර්ම කඩ කිරීමේ වරදට ශ්‍රී ලංකා පන්දුවාර 20යි 20 ක්‍රිකට් නායක, වනිඳු හසරංගට අන්තර්ජාතික ක්‍රිකට් කවුන්සිලයෙන් තරග තහනමක් පනවා තිබේ.

වනිඳු හසරංග අදාළ තරගාවලියේදී විනිසුරු තීරණයට විරුද්ධත්වය පෙන්වීම තුළින් තම ආචාර ධර්ම කඩකර ඇතැයි, අන්තර්ජාතික ක්‍රිකට් කවුන්සිල නිල වෙබ් අඩවියේ දැක්වේ.

ඒ අනුව බංග්ලාදේශයට එරෙහි ටෙස්ට් තරගාවලියේ තරග දෙකම, ඔහුට තහනම් කළ බව අදාළ නිවේදනයේ වැඩි දුරටත් සඳහන් වේ.

වනිඳු හසරංග වසර තුනකට පසුව පළමු වරට ශ්‍රී ලංකා ටෙස්ට් සංචිතයට කැඳවූයේ ඊයේ (18) දිනයේදී යි.

මේ අතර වනිඳුට තරග ගාස්තුවෙන් සියයට පණහක් දඩ ලෙස නියමකර ඇති අතර, දඬුවම් ලකුණු 3ක්ද ලබා දී ඇත.

නිමා වූ මාස 24ක කාලය තුළ වනිඳුට ලබා දී ඇති දඩුවම් ලකුණු සංඛ්‍යාව 8ක්.

මේ අතර බංග්ලාදේශයට එරෙහි තුන් වැනි එක් දින ක්‍රිකට් තරගය අවසානයේදී විනිසුරුවරුන්ට අතට අත දීමේදී අන්තර්ජාතික ක්‍රිකට් කවුන්සිල ආචාර ධර්ම කඩවන ලෙස කටයුතු කළ බවට එල්ල වූ චෝදනා පිළිගත් ශ්‍රී ලංකා එක් දින ක්‍රිකට් නායක කුසල් මෙන්ඩිස්ටද දඩ නියම කර තිබේ.

ඒ අනුව ඔහුටද තරග ගාස්තුවෙන් සියයට 50ක දඩ මුදලක් නියම කර ඇති අතර, දඬුවම් ලකුණු 3ක් ලබා දුන් බවට අන්තර්ජාතික ක්‍රිකට් කවුන්සිල නිවේදනයේ සඳහන්.

Related posts

මෙරට විදුලි ජනනයට අවශ්‍ය සමස්ත ගල් අඟුරු තොග ආනයනයට පියවර..

Admin

මාස තුනක ණය හා පොලී ගෙවීමට අමෙරිකානු ඩොලර් බිලියනයක ණය මුදලක් ලබා ගනී

colombotoday

රු. 5000 දීමනාවට අදාළ ලැයිස්තු සැකසෙයි | 10,000 ක බඩු මල්ල ලැබෙන්නේ මේ අයටයි

colombotoday

යහපාලන මහ හොරු 10 ළගදීම එළියට.. බැදුම්කර වංචාව නිසා පළමු තැන අගැමැතිට !

colombotoday

ත්‍රස්තවාදය පරාජය කළ බව අද බොහෝ අයට අමතක වෙලා… කොටි සැකකරුවන් මුදා හැරීම ජාතික ආරක්ෂාවට තර්ජනයක් !

colombotoday

දිලීපන් සැමරුමට ගිය මන්ත්‍රී සෙල්වරාසා පොලිස් භාරයට

colombotoday