වයස අවුරුදු 15 ක බාල වයස් දැරියක් නීත්‍යනුකූල භාරකාරත්වයෙන් අපහරණය කර ලිංගික අතවරයන් සිදු කල බවට සැකකරුවන් 5 දෙනකු අත්අඩංගුවට ගත් බව නිකවැරටිය මූලස්ථාන පොලිසිය පැවසීය.
දැරිය වෛද්‍ය පරීක්ෂණ සඳහා රෝහල් ගත කර ඇති බවද පොලීසිය සඳහන් කලේය.
වයස අවුරුදු 70,33 ,28,25,24 ,වයස් වල පසුවන මෙම සැකකරුවන් පස් දෙනාම දැරියගේ අසල්වැසි ඥාති අයවලුන් බවද,මවුපියන් කුලී වැඩ වලට ගොස් සිටින අවස්ථාවේදී මෙම සිද්ධිය සිදුව ඇති බවද පොලීසිය සඳහන් කලේය.
දැරිය පාසැල් ඇරී යළි නිවසට නොපැමිණි බවට දැරියගේ මව විසින් පොලිසියට කරණ ලද පැමිණිල්ලකට අනුව පරීක්ෂණ සිදු කර,සැකකරුවන් පැය 24 ක් යාමට පෙර අත්අඩංගුවට ගත් බවත්.සැකකරුවන් නිකවැරටිය අධිකරණයට ඉදිරිපත් කිරීමට නියමිත බවද පොලීසිය වැඩිදුරටත් සඳහන් කලේය.