පොලිස් අණ නොතකා කිසියම් ධාවනය කරන වාහනයකට වෙඩි තැබීමට පොලිසියට බලයක් නැති බවත්, වෙඩි තැබීම දණ්ඩ නීති සංග්‍රහය යටතේ වරදක් බවත් ජාතික පොලිස් කොමිසමේ ලේකම් ආරියදාස කුරේ මහතා කියයි.
පලායන වාහනය ගැන ඊළඟ පොලිස් මුරපොළට හෝ පොලිසියට දැනුම් දීම හෝ ඔවුන් ලුහුබැද ගොස් අත්අඩංගුවට ගත හැකි බවද පවසයි. පොලිසිය යම් රථයක් නවත්වන ලෙසට අණ කළ අවස්ථාවක ඊට අවනත වී නිසි ලෙස කරුණු දැක්වීම සෑම පුරවැසියකුගේම වගකීමක් බවද ඒ මහතා කීයයි.
යාපනයේ වෙඩි තැබීමෙන් සිසුහු දෙදෙනෙකු මිය යෑම ගැන අපරාධ පරීක්ෂණ දෙපාර්තුමේන්තු පරීක්ෂණයක් අධීක්ෂණය කිරීමට සහ තොරතුරු ලබාගෙන ඒ සම්බන්ධයෙන් වාර්තාවක් සකස් කිරීම සඳහා මහජන පැමිණිලි අංශයේ අතිරේක අධ්‍යක්ෂක ආනන්ද විජේසුරිය මහතා යාපනයට ගොස් ඇති බවද ලේකම් පවසයි.