Colombo Today Local News

මහ කන්නයේ ගොවිතැන් වෙනුවෙන් ජලය නිකුත් කිරීමට සැලසුම් කෙරේ…

එළඹෙන මහ කන්නයේ ගොවිතැන් කටයුතු වෙනුවෙන් ජලය නිකුත් කිරීම සඳහා සැලසුම් සකස් කිරීමේ “ජාතික ජල කළමනාකරණ කමිටු රැස්වීම” ඊයේ (26)දින වාරිමාර්ග අමාත්‍ය රොෂාන් රණසිංහ මහතාගේ ප්‍රධානත්වයෙන් ගන්නෝරුව ජාතික කෘෂිකර්ම තොරතුරු හා සන්නිවේදන මධ්‍යස්ථානයේදී පැවැත්විණි.

එහිදී “එල්නිනෝ” තත්ත්වය හමුවේ පසුගිය යල කන්නය අවසානයේ දිවයිනට බලපෑ වියළි කාලගුණය හේතුවෙන් රටේ ගොවි ජනතාව මුහුණ දුන් අමිහිරි අත්දැකීම් පිළිබඳව හා ගොවි, නිලධාරී ක්‍රියාකාරකම් හි පැවති අඩුපාඩු පිළිබඳව දීර්ඝ වශයෙන් සාකච්ඡා කර තිබේ.

ඒ අනුව, 2023/24 මහ කන්නයේ වගා කටයුතු ආරම්භ කිරීම සඳහා ජලය නිකුත් කිරීම හා නිකුත් කිරීම් අවසන් කරනු ලබන දින වකවානු පිළිබඳව ගොවි සංවිධාන නායකයින් වෙත ප්‍රකාශයට පත්කළ අතර, නියමිත දිනයන්හි දී මූලික බිම් සැකසීම් ආරම්භ කර අස්වනු නෙළීම් දක්වා වූ සියලු කටයුතු අවසන් කර, විධිමත් පරිදි ජලය කළමනාකරණය කර ගැනීමට ගොවි නායකයන්ගේ එකඟතාවය හිමි වී තිබේ.

අලුත්වැඩියා කළ යුතු ඇළවේලි හා වැව් සම්බන්ධයෙන් ගොවි නායකයින් විසින් ඉදිරිපත් කරන ලද ගැටලු හා ඉල්ලීම් සම්බන්ධයෙන් කඩිනමින් විසඳුම් ලබාදෙන ලෙසද නිලධාරීන් වෙත උපදෙස් ලබාදී ඇත.

එමෙන්ම අත්‍යාවශ්‍ය අවස්ථාවන්හි දී සමනල වැවෙන් උඩවලව ජලාශයට ජලය ලබාගැනීම සඳහා විධිමත් නීත්‍යානුකූල ගිවිසුම්ගත ක්‍රමවේදයක් සකස්කර ඉදිරියේ දී ඇතිවිය හැකි ගැටලු අවම කරගන්නා ලෙසද නිලධාරීන් වෙත උපදෙස් ලබාදී තිබේ.

Related posts

කෙටිදුර දුම්රිය ගමන්වාර 30ක් අත්හිටුවයි

Admin

ජාතිය ගොඩනැගීමේ සහ සංහිදියාව උදෙසා වූ ව්‍යාපාරය චැනල් 4 චෝදනාවට විරෝධය දක්වයි

Admin

තවත් යුද හමුදා බුද්ධි නිලධාරීන් 38ක් CIDයට

colombotoday

ජාතික කොඩිය සහ ආගමික සංකේත ගැන මැතිවරණ කොමිසමෙන් නිවේදනයක්

Admin

අත්අඩංගුවට ගැනීම වලක්වන්න. රියාජ් බදුර්දීන්ගෙන් අභියාචනාධිකරණයට රීට් පෙත්සමක්

colombotoday

කැබිනට් මණ්ඩලයේ කයිවාරුව විතරයි, වැඩ නෑ.. රට කාලා – රවීගෙන් සැර කතාවක්

colombotoday