Colombo Today Local News

හොර පාරෙන් ගෙනා සීනි කිලෝ ලක්ෂ 12ක් රාජසන්තක‍යි

නීති විරෝධී ලෙස ආනයනය කළ සීනි කිලෝ ලක්ෂ 12ක ප්‍රමාණයක් (සීනි මෙට්‍රික් ටොන් 1200ක්) රාජසන්තක කිරීමට කටයුතු කළ බව මුදල් රාජ්‍ය අමාත්‍ය රංජිත් සියඹලාපිටිය පවසයි.

නිවේදනයක් නිකුත් කරමින් අමාත්‍යවරයා එලෙස සඳහන් කර ඇත.

මේ වන විට ආනයනය සීමා කර ඇති දුඹුරු සීනි එලෙස නීති විරෝධීව ව්‍යාපාරිකයෙකු විසින් ආනයනය කර ඇති අතර බහාලුම් තුළ සුදු සීනි අතර දුඹුරු සීනි සඟවා ආනයනය කර තිබේ.

අදාළ සීනි තොගය නිරීක්ෂණය කිරීම සඳහා ද අමාත්‍යවරයා සහභාගි වී ඇති අතර උග්‍ර ඩොලර් හිඟයකට රට මුහුණ දී ඇති මෙම අවස්ථාවේ සියලු දෙනා නීතිගරුකව කටයුතු කළ යුතු බව ද අමාත්‍යවරයා පෙන්වා දෙයි.

ඩොලරයක් පවා රැකගත යුතු තත්ත්වයක තරම් බරපතළ විදේශ විනිමය ගැටලුවක අප සිටින බවද ප්‍රකාශ කරන ඇමතිවරයා එවැනි තත්ත්වයක් තුළ ව්‍යාපාරිකයන්ගේ හෝ සාමාන්‍ය ජනතාවගේ වගකීම රජය ඒ සඳහා පැනවූ නීති රීති අනුව කටයුතු කිරීම බව ද සදහන් කරයි.

එවැනි නීති විරෝධී සිදුවීමක් සිදුවේ නම්, ඒ පිළිබඳව ශ්‍රී ලංකා රේගුවේ මධ්‍යම බුද්ධි අංශය වෙත පැය 24 පුරා ම ක්‍රියාත්මක 0112 – 471471 යන දුරකතන අංකය වෙත සහ රේගු අධ්‍යක්ෂ ජනරාල්වරයා වෙත 0112-347881 දුරකතන අංකය ඔස්සේ දැනුම් දිය හැකි බව ද අමාත්‍යවරයා සඳහන් කරයි.

තොරතුරු ලබාදෙන පාර්ශව ආරක්ෂා කිරීම සහ ඔවුන් සඳහා සුවිශේෂී ත්‍යාග පිරිනැමීමට රේගුව කටයුතු කරන බව ද අමාත්‍යවරයා සඳහන් කරයි.

අදාළ වැටලීම කර ඇත්තේ රේගුවේ නිලධාරියෙකු විසින් වෙළෙඳපොළේ දුඹුරු සීනි මිල දී ගත් අවස්ථාවේදී ඇති වූ සැකය මත බව ද අමාත්‍යවරයා ප්‍රකාශ කරන අතර ශ්‍රී ලංකාවට ප්‍රමාණවත් දුඹුරු සීනි දේශීයව නිෂ්පාදනය කරන බැවින් එම සීනි ආනයනය සීමා කර ඇති බව ද අමාත්‍යවරයා වැඩිදුරට ත් සඳහන් කරයි.

Related posts

මියන්මාර් මුස්ලිම් සංක්‍රමණිකයන් පිරිස පිටුවහල් නොකෙරේ ! ලංකාවේ රදවා ගැනීම නියෝග..

colombotoday

බොදු බල සේනාව තහනම් කරන්න – නැගෙනහිර පළාත් සභාවට යෝජනාවක් !

colombotoday

නෞකාව කළ හදියෙන් ජිවන මග කඩා වැටුන ධීවරයින්ට රජයෙන් රු. 5000ක්

colombotoday

රන්ජන්ගේ සිරකුටිය තහනම් කලාපයක් කරයි !

colombotoday

සහරන්ගේ මල්ලි හිටියේ ගැබිණි වාටුවේ? හකීම්ගෙන් ඉල ඇදෙන පිළිතුරක්

colombotoday

රනිල් වෙනුවෙන් රාජිත පෙරට එයි… සෞඛ්‍ය අමාත්‍යාංශය රැකගන්න දැඩි සටනක

colombotoday