IS ඉස්ලාම් රාජ්‍ය ත්‍රස්තයන්ට එරෙහි සටන වේගවත් කිරීම සඳහා සිරියාව කරා පැමිණෙන රුසියානු යුද නෞකා පෙළ අද දිනයේදී ඉංග්‍රීසි ඕඩය පසුකරමින් පවතින බව විදෙස් වාර්තා පවසයි.
රුසියානු හමුදාවේ ප්‍රබලතම න්‍යෂ්ටික බල යුද නෞකාවක් ඇතුළු, යුද නෞකා හා සබ්මැරීනයන්ගෙන් සමන්විත මෙම හමුදා බලෑණියේ ගමන් මග බ්‍රිතන්‍ය රාජකීය නාවික හමුදාවේ යුද නෞකා දෙකක් විසින් නිරීක්ෂණය කරමින් සිටියි.
බ්‍රිතාන්‍ය ආරක්ෂක අමාත්‍යාංශය පවසා සිටියේ බ්‍රිතාන්‍යය මුහුදු සීමාවට සමීපව ගමන් ගන්නා ඔවුන්ගේ ගමන් මගේ සෑම පියවරක්ම ඉතා සියුම් නිරීක්ෂණයකට ලක්වන බවයි.
