ඉංගිරිය ප්‍රදේශයේ පෞද්ගලික ඔසුසැලකින් ලබාගත් ඖෂධයක් පානය කිරීමෙන් පසු කාන්තාවක් මියගොස් ඇතැයි කියන සිද්ධියක් සම්බන්ධයෙන් පොලිසිය විමර්ශනයක් ආරම්භ කර තිබේ.
සිද්ධියෙන් මියගොස් තිබුණේ ඉංගිරිය, ඌරුගල ප්‍රදේශයේ පදිංචි 62 හැවිරිදි කාන්තාවකි.
අධික රුධිර පීඩනය වෙනුවෙන් භාවිතා කරන ඖෂධයක් ලබා ගැනීමෙන් අනතුරුවයි ඇය මියගොස් ඇත.
එය පානය කිරීමෙන් අනතුරුව ඇති වූ සංකූලතා හේතුවෙන් ඇය ඉංගිරිය රෝහලට ඇතුළත් කර තිබේ.
අනතුරුව හොරණ මූලික රෝහලට ඇය මාරු කර යවා ඇති අතර ඉන් අනතුරුව ඇය මියගොස් ඇත.
සිද්ධිය සම්බන්ධයෙන් මේ වනවිටත් විමර්ශන ක්‍රියාත්මකයි.