දින තුනක් වයසැති බිළිදියක මහියංගනය මූලික රෝහලේ පිටුපස අතහැර දමා ගිය බව කියන එම බිලිඳිය බිහිකළ කාන්තාව සැකපිට අත්අඩංගුවට ගත් බව මහියංගනය පොලිසිය පවසයි.
එසේ සැක පිට අත්අඩංගුවට ගෙන ඇත්තේ ගිරාඳුරුකෝට්ටේ ප්‍රදේශයේ පදිංචි තැනැත්තියකි.
මහියංගනය මූලික රෝහලේ වාට්ටුවක අධික රුධිරය වහනය වෙමින් සිටි කාන්තාවක් ගැන ඇති වූ සැකයක් මත කරන ලද පරීක්ෂණ වල ප්‍රතිඵලයක් වශයෙන් ඇය මෙම බිලිඳිය බිහිකර ඇති බවට තොරතුරු හෙළි වී ඇතැයි පොලීසිය පවසයි.
දරුවා බිහි කිරීමෙන් පසුරෝහල පිටුපසට ගෙනැවිත් තැබූ බව සැකකාර කාන්තාව පොලිසියට පවසා ඇතැයි කියති. රෝහල පිටුපස දමා තිබියදී සොයාගත් දින තුනක් වයසැති බිලිඳිය එම රෝහලේ විශේෂිත ළමාප්‍රතිකාර ඒකකයට ඇතුළත් කර ඇත.