ජාතික සංහිඳියාව පිළිබඳ සාකච්ඡා කිරීමට ජනාධිපති රනිල් වික්‍රමසිංහ මහතා විසින් සර්ව පාර්ශ්වික සමුළුවක් කැඳවා තිබේ.
හෙට (26) පස්වරු 5 ට ජනාධිපති ලේකම් කාර්යාලයේදී එම සර්ව පාර්ශ්වික සමුළුව පැවැත්වෙන බව ශ්‍රී ලංකා පොදුජන පෙරමුණේ මහ ලේකම් නීතිඥ සාගර කාරියවසම් මහතා සඳහන් කරයි.
13 වන සංශෝධනය පිළිබඳ එහිදී සාකච්ඡා කෙරුණු ඇති.
ඒ සඳහා පාර්ලිමේන්තුව නියෝජනය කරන දේශපාලන පක්ෂ සහභාගි වන බව මහ ලේකම්වරයා පැවසීය.
මේ අතර ජාතික ජනබලවේගය සර්ව පාක්ෂික සමුළුවට සහභාගී නොවීමට තීරණය කර ඇතැයි පාර්ලිමේන්තු මන්ත්‍රී විජිත හේරත් මහතා සඳහන් කළේ ය.
ජනාධිපතිවරයා මෙතෙක් ජාතික ප්‍රශ්න විසඳන්න ලබා දුන් පොරොන්දු ඉටුනොකිරීමට එරෙහිව මෙම පියවර ගෙන ඇත.