තංගල්ල පොලිස් වසමේ ගල්බොක්ක ප්‍රදේශයේ දී ඊයේ (13)දින සිදු වූ පහර දීමකින් පුද්ගලයකු ජීවිතක්ෂයට පත් ව ඇත.
මරණකරු වයස අවුරුදු 37ක ගොඩැල්ලවෙල, තංගල්ල ප්‍රදේශයේ පදිංචිකරුවකු වන අතර, බහින්බස් වීමක් අතරතුර පොල්ලකින් සිදු කළ පහර දීමකින් මෙම මරණය සිදු ව ඇති බව වාර්තා වෙයි.
මරණකරු තහනම් පිරමීඩ ජාවාරමකට යෙදවීම සඳහා සැකකරුගෙන් රුපියල් ලක්ෂ 20ක් ඉල්ලා සිට ඇති අතර, ඔහු අදාළ මුදල ගැන විමසීම සඳහා සැකකරුගේ නිවසට ගොස් තිබුණු බව සඳහන්ය.
එම අවස්ථාවේ දී මරණකරු හා සැකකරු අතර, බහින්බස් වීමක් ඇති වී ඇති අතර, එය දුරදිග යාම නිසා මෙම පහර දීම සිදු වී ඇති බව පොලිස් විමර්ශන තහවුරු කරයි.
සැකකරු ප්‍රදේශයෙන් පලා ගොස් ඇති අතර, ඔහු අත්අඩංගුවට ගැනීම සඳහා තංගල්ල පොලිසිය වැඩිදුර පරීක්ෂණ මෙහෙයවන බව වාර්තා වෙයි.