නාරාහේන්පිට අභයාරාම විහාරස්ථානය දේශපාලන කටයුතුවලට යොදාගැනීම වළක්වාලමින් කොළඹ දිසා අධිකරණය විසින් අතුරුතහනම් නියෝගයක් නිකුත් කර තිබේ.
2016 පෙබරවාරි මස පූජ්‍ය පත්බේරියේ විමලඥාන හිමියන් විසින් ගොණුකළ පැමිණිල්ලක් විභාගයට ගත් කොළඹ දිසා විනිසුරුවරයා විසින් මෙම අතුරු තහනම් නියෝගය නිකුත් කර තිබෙනවා.
අභයාරාම විහරස්ථානය දේශපාලන කටයුතුවලට යොදාගැනීමෙන් බැතිමතුන්ට විශාල අසාධාරණයක් සිදුවන බැවින් එය වැළැක්වීමේ නියෝගයක් නිකුත් කරන ලෙසයි පැමිණිල්ලෙන් ඉල්ලා ඇත්තේ. ඒ අනුව කරුණු සලකා බැලූ කොළඹ දිසා අධිකරණය විසින් අභයාරාම විහාරස්ථානයේ දේශපාලන කටයුතු නවත්වන ලෙස පූජ්‍ය මුරුත්තෙට්ටුවේ ආනන්ද හිමියන්ට මෙම අතුරුතහනම් නියෝගය පනවා තිබෙනවා.