රුපියල් කෝටි තුනක් පමණ වටිනා විදේශීය නිෂ්පාදිත දුම්වැටි තොගයක් , ගුවන් තැපැල් සේවය ඔස්සේ , ඩුබායි සිට කටුනායක ගුවන් තොටුපොළ ආනයන භාණ්ඩ පර්යන්තයෙදී ශ්‍රී ලංකා රේගු ඒකකයේ නිලධාරීන් පිරිසක් විසින් ඊයේ (11) දින රාත්‍රී භාරයට ගෙන තිබෙනවා.
මෙම පාර්සලය ඉකුත් ජූලි මස (13) දින කොළඹ , මට්ටක්කුලිය ප්‍රදේශයේ පිහිටි ව්‍යාජ ලිපිනයක් වෙත , පරිගණක උපාංග ලෙස සඳහන් කරමින් එවා තිබුණු බවයි රේගු ඒකකයේ නිලධාරීන් පවසන්නේ.
එහිදී එම පාර්සලය තුළ , තවත් පෙට්ටි 08 ක් තුළ ඇසුරූ , විදේශීය නිෂ්පාදිත ” මැන්චෙස්ටර් ” වර්ගයේ දුම්වැටි එක් ලක්ෂ හැට දහසක ප්‍රමාණයක් තිබී භාරයට ගත් බවයි රේගු නිලධාරීන් සඳහන් කළේ.
ශ්‍රී ලංකා රේගු ඒකකයේ නිලධාරීන් විසින් මේ පිළිබඳ වැඩිදුර විමර්ශන සිදු කරනු ලබනවා.