ශ්‍රී ලංකාවේ පැරණි පුස්කොළ පොත්වල තිබෙන ආයුර්වේද ඖෂධ වට්ටෝරු සරල සිංහල සහ දමිළ භාෂාවට නගා, අනතුරුව ඉංග්‍රීසි භාෂාවට පරිවර්තනයකොට ඇමරිකාවේ ටෙක්සාස් රයිස් විශ්වවිද්‍යාලයට යැවීමට කටයුතු කරන බව සෞඛ්‍ය අමාත්‍යවරයා පවසයි.
රාජිත සේනාරත්න ඇමතිවරයා පාර්ලිමේන්තුවේදී කියා සිටියේ විකල්ප වෛද්‍ය ක්‍රමවේද සඳහා යොදා ගන්නා ශාක වර්ග පිළිබඳව කෙරෙන පර්යේෂණයක් සඳහා මෙම ආයුර්වේද වට්ටෝරු යොදාගන්නා බවය.
බටහිර වෛද්‍ය විද්‍යාවේ බොහෝ ඖෂධ මේ වන විට කෘත්‍රීමව සකස් කළද, අතීතයේදී සකස් කෙරුණේ ශාඛ සාර ආශ්‍රයෙන් බවත්, දේශීය වෛද්‍ය විද්‍යාවේ දැනුම ආශ්‍රයෙන් නව ඖෂධ නිපදවීම් කිරීමට හැකිවනු ඇති බවත් අමාත්‍යවරයා පවසා සිටී.