ටොනික් මූඩි උපයෝගී කරගනිමින් විද්‍යුත් ක්‍රමයට හෙරොයින් ජාවාරමේ නිරත වූ වරකාගොඩ ගොඩපොරහේන ප්‍රදේශයේ පදිංචි ජෝනා අත්අඩංගුවට ගත් බව වරකාගොඩ පොලිසිය පවසයි.
සැකකරු ගොඩපොර හේන ප්‍රදේශයේම පදිංචි ජෝනා නම් අනුවර්ත නාමයෙන් හැඳින්වෙන 33 හැවිරිදි අයෙකු බවත් ඔහු හෙරොයින් ජාවාරමේ නිරත වන බවට ලැබුණු තොරතුරක් මත සිදුකළ වැටලීමකදී සැකකරු ඔහුගේ නිවසේ දීම හෙරොයින් සමඟ අත්අඩංගුවට ගෙන ඇත.
සැකකරු ඉතා සූක්ෂම ලෙස ටොනික් පියන අස්සේ රුපියල් දෙදහසේ හෙරොයින් මුලක් දමා මාර්ග වල නොයෙක් ස්ථානවල තබමින් විද්‍යුත්ක්‍රමය ඔස්සේ මුදල් ලබාගෙන මෙම ජාවාරම සිදු කර ඇති බවට පොලිසියට අනාවරණය කරගෙන ඇත.
මේ ක්‍රමය ඔස්සේ සැකකරු වරකාගොඩ, නෑබඩ, ඉද්දගොඩ තෙබුවන, දොඩම්ගොඩ ආදී ප්‍රදේශවල හෙරොයින් බෙදාහැරීමේ කටයුතු සිදුකර ඇති බව පොලිසියට අනාවරණය කරගෙන තිබේ.