ත්‍රිකුණාමලයේ සිට පොලොන්නරුව දෙසට සිමෙන්ති ප්‍රවාහනය කළ ලොරි රථයක රෝදයක වූ කාර්මික දෝශයක් හේතුවෙන් එය සකස් කරමින් සිටි මෝටර් කාර්මිකයක්ගේ හිස මතට ලොරි රථය වැටීමෙන් ඔහු ජීවිතක්ෂයට පත්ව ඇතැයි මින්නේරිය පොලිසිය පවසයි.
සිමෙන්ති ප්‍රවාහනය කළ ලොරි රථයේ ඇතිවූ දෝෂය හේතුවෙන් ලොරි රථයේ රියදුරු මැදිරිගිරිය දිවුලන්කඩවල පදිංචි මෙම කාර්මික ශිල්පියාට දුරකථන ඇමතුමක් ලබා දී ඒම ස්ථානයට ගෙන්වාගෙන තිබෙන බව පැවසේ.
අනතුරුව කාර්මික ශිල්පියා ලොරි රථයේ රෝදයේ දෝෂය සැකසීමට යාමේදී ආධාරකය ඉවතට ලිස්සා ගොස් මෙම අනතුරට මුහුණ දී ඇත.
හිස මතට ලොරි රථයේ පිටුපස කොටස වැටීමෙන් මෙම අනතුර සිදුව තිබේ.
දෝෂය සිදුවන අවස්ථාවේ ලොරි රථය තුළ සිමෙන්ති මිටි 600ක් පමණ තිබේ ඇත. ලොරි රථයේ සියලු බර ටොන් 30ක පමණ තිබු බව පැවසේ.
කාර්මික ශිල්පියා පොලොන්නරුව මහ රෝහලට ඇතුලත් කිරීමට ගම්වාසීන් කටයූතු කර ඇති අතර රෝහලට ඇතුලත් කරන විටත් ඔහු මරණයට පත්වී සිටි බව රෝහල් ආරංචිමාර්ග සඳහන් කරයි.
අනතුරින් මියගොස් ඇත්තේ දිවුලන්කඩවල පී.ඒච්.ජි අනුරසිරි ගුණරත්න නමැති වයස අවුරුදු 45 පමණ වන තිදරු පියෙකි.