නියෝජ්‍ය ඇමති හර්ෂ ද සිල්වා ඉන්දීය ක්‍රිකට් කණ්ඩායමේ නායක විරාත් කෝලි සම ගත් ඡායාරූපයක් සිය ට්වීටර් ගිණුමේ පල කරමින් කළ ප්‍රකාශයක් සමාජජාලාවල දැඩි දෝෂදර්ශනයට ලක්ව තිබෙනවා.
ඉන්දීය ක්‍රිකට් කණ්ඩායම නවාතැන්ගෙන සිටි හෝටලයේදී ඔවුන් හමුවූ අවස්ථාවේදී ගත් ඡායාරූපයක් පලකරමින් “මම විරාත් කොලීට කිව්වා ශ්‍රී ලංකාවට ගහන්න දෙයක් නෑ කියලා, ලකුණු 600ත් වැඩියි. ග්‍රවුන්ඩ් එකෙ පොඩි නින්දකුත් දාන්න පුලුවන් ඉන්දීය ක්‍රීඩකයන්ට” යැයි නියෝජ්‍ය අමාත්‍යවරයා සදහන් කර ඇත.
අමාත්‍යවරයාගේ මෙම ප්‍රකාශය හෙළා දකිමින් බොහෝ අය සමාජ ජලා ඔස්සේ ප්‍රකාශ කර ඇත්තේ, රජයේ අමාත්‍යවරයෙක් රට නියෝජනය කරන කණ්ඩායම අපහසුතාවයට හා හෑල්ලුවට ලක් කිරීම නොහොබිනා ක්‍රියාවක් බවයි.
කෙසේ වෙතත්, තමන් කළේ විහිළුවක් යැයි විවේචනවලට ප්‍රතිචාර දක්වමින් නියෝජ්‍ය අමාත්‍යවරයා ප්‍රකාශ කර ඇත.
