පාසල් සුදු නිල ඇඳුම වෙනුවට පාට ඇඳුම් හඳුන්වාදීමට අධ්‍යාපන අමාත්‍යාංශය ගෙන ඇති තීරණයට තමන් දැඩි විරුද්ධත්වය පළකරන බවත්, පාසල් නිල ඇඳුම වෙනස්‌ කළහොත් දරුවන් සමඟ පාරට බසින බවත් දෙමව්පියෝ පවසයති.
ලංකාවේ වත්මන් පාසල් නිල ඇඳුම දරුවන්ට උචිත බවත්, එය පාසල් දරුවකු බවට මනාවට හැඟවෙන බවත් ඔවුහු කීහ.
මේ පිළිබඳව අදහස්‌ දක්‌වමින් නුගේගොඩ ප්‍රදේශයේ පාසල් රැසක දෙමාපියෝ මෙසේ කියා සිටියහ.
මෙච්චර වැදගත් පාසල් නිල ඇඳුමකට පාට ඇඳුම් හඳුන්වාදීම යෝග්‍ය නැහැ. මේක පිටරට නොවෙයි. සභ්‍යත්වයක්‌, සංස්‌කෘතියක්‌ ඇති රටක්‌ මේක. පාසල් ළමයින් තවත් නැති කරන්නද මේ ඇමැතිතුමා හදන්නේ. අපි මේකට තරයේම විරුද්ධයි.
“කාලයක්‌ තිස්‌සේ පාසල් නිල ඇඳුම් නොමිලේ දුන්නා. යහපාලන ආණ්‌ඩුව ඇවිත් පාසල් නිල ඇඳුම් පිටින් ගන්න වවුචර් දුන්නා. දැන් ඒකත් නැති කරන්නද කොහෙද හදන්නේ.
පාට ඇඳුම් හඳුන්වාදීලා ළමයින්ගේ පාසල් නිල ඇඳුම නැති කරන්න එපා. මේ සුදු ඇඳුම ඇන්දාම පාසල් දරුවෙක්‌ කියලා ඕනෑම කෙනෙක්‌ දන්නවා.