රුසියාවේ නිශ්පාදිත හෙලිකොප්ටර් යානා නඩත්තු සහ අලුත්වැඩියා කිරීමේ මධ්‍යස්ථානයක් ශ්‍රී ලංකාවේ පිහිටුවීමට යෝජනා වී තිබෙනවා.
රුසියාවේ ස්පුටිනික් පුවත් සේවයට අදහස් පළකරමින් හමුදා තාක්ෂණ සහයෝගීතාව පිළීබදව රුසියානු මධ්‍යම රජයේ නියෝජ්‍ය ප්‍රධානී මිකායිල් පෙටුකොෆ් මේ බව ප්‍රකාශ කර ඇත.
ශ්‍රී ලංකාව ද රුසියාවේ නිශ්පාදිත එම්.අයි 08, එම්.අයි. 17 24 ප්‍රහාරක හා ප්‍රවාහන හෙලිකොප්ටර් යානා භාවිතා කරන අතර, කලාපීය රටවල් රැසක ගුවන් බලඇණි සමන්විත වී ඇත්තේ රුසියානු හෙලිකොප්ටර් යානා වලිනි.
මේ නිසා ශ්‍රී ලංකාව තුළ එවැනි හෙලිකොප්ටර් යානා නඩත්තු කිරීමේ මධ්‍යස්ථානයක් පිහිටුවීම වැදගත් වන බවයි රුසියාව පෙන්වා දී ඇත්තේ.
මේ අතර. රුසියාවේ නිශ්පාදිත ජෙපාඩ් වර්ගයේ ප්‍රහාරක යාත්‍රා ශ්‍රී ලංකාවට ලබාදීම සම්බන්ධයෙන් ද සාකච්ඡා පවත්වා ඇති බව ස්පුටින්ක් පුවත්පත වාර්තා කර ඇත.