මහනුවර බාලිකා පාසලක 15 හැවිරිදි සිසුවියක් එම පාසලේ ගොඩනැගිල්ලක පළමු මහලින් බිමට පැන තුවාල ලබා මහනුවර ජාතික රෝහලට ඇතුළත් කර තිබේ.
එම සිසුවිය ඊයේ (09) පෙරවරු 11.30ට පමණ පාසලේ පිහිටා ඇති ගොඩනැගිල්ලක අඩි 15ක් පමණ උසක සිට බිමට පැන ඇත.
එම සිසුවිය කටුගස්තොට, කළුගමුව වත්ත ප්‍රදේශයේ පදිංචිකාරිනියකි.
ඇය එම පාසලේ ශිෂ්‍ය නායිකාවක් ලෙසින් ද කටයුතු කරන බව වාර්තා වෙයි.
එම සිසුවියට අමතක වීමේ රෝගයක් පවතින බවට සිසුවියගේ දෙමව්පියන් විසින් පොලීසියට පවසා ඇති බවත් වැඩිදුරටත් වාර්තා වේ.
සිද්ධිය සම්බන්ධයෙන් කටුගස්තොට පොලීසිය වැඩිදුර විමර්ශන සිදුකරයි.