රාජ්‍ය පොසොන් උත්සවය මෙවර මිහින්තලා රාජ මහා විහාරයේදී පැවැත්වීමට නියමිතව තිබේ.
ඒ පිළිබඳව විශේෂ සාකච්ඡාවක් මිහින්තලා රාජ මහා විහාරාධිපති, පූජ්‍ය වලවාහැංගුනවැවේ ධම්මරතන නායක මාහිමිපාණන් වහන්සේගේ ප්‍රධානත්වයෙන් ඊයේ (09) දින පැවත්වී තිබේ.
මෙවර පොසොන් උත්සවයේ තේමාව වන්නේ “නැඟෙමු පිබිදෙමු යෙදෙමු සුරකිමු මිහිඳු මාහිමි දෙසු දහම්. ” යන්නයි.
රාජ්‍ය පොසොන් උත්සවයට සමගාමීව විශේෂ වැඩසටහන් කිහිපයක් ජුනි මස දෙවනදා සිට හතරවනදා දක්වා පැවැත්වීමටද නියමිත බව වාර්තා වේ.
වසර 2019යෙන් පසුව උත්සවශ්‍රීයෙන් පැවැත්වෙන මෙවර පොසොන් උත්සවය සඳහා සියලු ආයතන එක්ව සහයෝගය ලබා දෙනු ඇතැයි විශ්වාසකරන බව විහාරාධිපති හිමියන් වැඩිදුරටත් ප්‍රකාශ කර තිබේ.