කොළඹ ලිප්ටන් වටරවුමේදී විශ්වවිද්‍යාල සිසුන් පිරිසක් විසින් අප්‍රේල් 03 වැනි දින පවත්වන ලද විරෝධතාවය විසුරුවා හැරීම සම්බන්ධයෙන් පොලිසිය ක්‍රියා කළ ආකාරය ගැන මානව හිමිකම් කොමිසම විසින් විමර්ශනයක් ආරම්භ කර තිබේ.
ඒ අනුව, මානව හිම්කම් පනතේ 14 වැනි වගන්තියට අනුව ස්වයං මැදිහත්වීමකින් එම පරීක්ෂණයක් ආරම්භ කළ බව එම කොමිසම සඳහන් කරයි.
එසේම මුද්‍රිත හා විද්‍යුත් මාධ්‍යවල පළ වූ වාර්තා මත පදනම්ව එම පරීක්ෂණ සිදු කරන බවද සඳහන් වේ.
ඒ අනුව එම සිසුන්ගේ විරෝධතාව විසුරුවා හැරීමට පදනම් වූ කරුණු සම්බන්ධයෙන් වාර්තාවක් ලබන 10වන දිනට පෙර සිය කොමිෂන් සභාවට ලබා දෙන ලෙසද ශ්‍රී ලංකා මානව හිමිකම් කොමිෂන් සභාව විසින් පොලිස්පතිවරයා දැනුවත් කර ඇත.