යාල ජාතික වනෝද්‍යානය ඇතුලු මෙරට ජාතික වනෝද්‍යාන නැරඹීමට පැමිණෙන විදේශීය සංචාරකයින්ට ඩොලර් මගින් ගෙවීම් කර ප්‍රවේශපත් ලබා ගැනීමේ පහසුකම් ලබාදෙන බව වනජීවි හා වනසම්පත් සංරක්ෂණ අමාත්‍යාංශය පවසයි.
ඒ අනුව අදාළ වැඩපිළිවෙල මෙම මාසය තුළ ආරම්භ කෙරෙන අතර පළමුව යාල ජාතික වනෝද්‍යානයෙන් එය ක්‍රියාත්මක කිරීමට නියමිතයි.
අමාත්‍ය මහින්ද අමරවීර මහතා විසින් නිලධාරීන්ට මෙම උපදෙස් ලබා දී ඇත්තේ රටේ ආර්ථිකයට ඩොලර් ඉපයීම මුලික අරමුණ කර ගනිමින් බව එම අමාත්‍යංශය පවසයි.
මේ අතර දෙස් විදෙස් සංචාරකයින් මෙම දිනවල යාල වනෝද්‍යානය නැරඹීමට බහුල වශයෙන් පැමිණෙන බැවින් සංචාරකයින් සඳහා ලබා දෙන පහසුකම් වැඩි කිරීමේ වැඩපිළිවෙලක් කඩිනමින් ආරම්භ කරන ලෙස ද අමාත්‍යවරයා විසින් නිලධාරින්ට උපදෙස් ලබා දි තිබේ.