මඩකලපුව රෝහලේ වෛද්‍යවරියකගේ ඉංජිනේරුවෙකු ලෙස කටයුතු කරන සැමියා නිවස තුළ අබිරහස් ලෙස මියගොස් සිටියදී අද (11) දහවල් සොයාගෙන තිබේ.
මෙලෙස මියගොස් ඇත්තේ පොල්ගස්ඕවිට ජයලියගම සියඹලාගොඩ පදිංචිව සිටි පී. ඒ පුෂ්පකුමාර නිශ්ශංක නමැති 58 හැවිරිදි අයෙකු බව කහතුඩුව පොලීසිය සඳහන් කරයි.
ඉංජිනේරුවරයාගේ නිවසින් කිසිදු ශබ්දයක් නොඇසීම හේතුවෙන් යාබද නිවසේ පුද්ගලයා තවත් පුද්ගලයකු සමග එක්වී අදාළ නිවස පිටතින් පරීක්ෂා කර තිබේ.
එහිදී නිවස තුළින් ප්‍රතිචාරයක් නොදැක්වීම හේතුවෙන් නිවසේ ජනෙලයක් විවෘතකර අදාළ පුද්ගලයා නිවස තුළට ඇතුලූ වී ඇත.
එහිදී, ඉජිනේරුවරයාට නිවසේ සාලයේ පුටුවක් අසල ලේ විලක් මැද මුනින් අතට වැතිරී සිටින අයුරු ඔහු දැක තිබෙන බව පොලීසිය කියයි.
එම පුද්ගලයා කහතුඩුව පොලීසියට කරන ලද දැනුම් දැනුම්දීමක් අනතුරුව පොලීසිය පැමිණ සිද්ධිය සම්බන්ධයෙන් විමර්ශන ආරම්භ කර තිබේ.
ඉංජිනේරුවරයා පමණක් නිවසේ තනිවම සිට ඇති අතර ඔහුගේ බිරිඳ මඩකලපුව ප්‍රදේශයේ රෝහලක සේවය කරන බවට පොලිස් විමර්ශනවලදී වැඩිදුරටත් අනාවරණය වී ඇත.
සිද්ධිය සම්බන්ධයෙන් ගල්කිස්ස කොට්ඨාස අපරාධ අංශයේ ප්‍රධාන පොලිස් පරීක්ෂක ගමගේ නිලන්ත මහතා ඇතුළු නිලධාරීන් පිරිසක් පැමිණ පරීක්ෂණ පවත්වා තිබේ.