උදය ගම්මන්පිල මහතා අත්අඩංගුවට ගත්තේ අමාත්‍ය පාඨලී චම්පික රණවක මහතාගේ වුවමනාව මත බව ප්‍රජාතන්ත්‍රවාදී වාමාංශික පෙරමුණේ නායක වාසුදේව නානායක්කාර මහතා චෝදනා කරයි.
ඔහු මේ බව සදහන් කළේ රක්ෂිත බන්ධනාගාරගතව සිටින උදය ගම්මන්පිල මන්ත්‍රීවරයා බැලීමට ඊයේ (20) වැලිකඩ බන්ධනාගාරයට පැමිණි අවස්ථාවේදීය.
ආණ්ඩුවේ ඉන්න චම්පික රණවක ඇමතිවරයා ගම්මන්පිල මහතා ගැන වෛරයෙන් පසුවන කෙනෙකු බවත් 1997 අතහැරී තිබූ දෙයක් ආපසු අරගෙන ඇවිත් මේ ආකාරයට ක්‍රියාත්මක කළේ අමාත්‍ය පාඨලී චම්පික රණවක මහතාගේ වුවමනාවට බවත් මන්ත්‍රීවරයා පෙන්වා දුන්නේය.
ඔහු සෘජුවම සම්බන්ධ බව තමාට ලැබුණු තොරතුරු අනුව ප්‍ර‍කාශ කළ හැකි බවද වාසුදේව නානායක්කාර මහතා පැවසී ය.