නේපාල විදේශ අමාත්‍ය Bimala Rai Paudyal මෙරටට පැමිණීමට නියමිතව තිබේ.
75 වන ජාතික නිදහස් දින සැමරුම් උත්සවයේ ආරාධිතයෙකු ලෙස සහභාගී වීම සදහා නේපාල විදේශ අමාත්‍යවරිය ශ්‍රී ලංකාවට පැමිණෙන බව එරට මාධ්‍ය වාර්තා කරයි.
සිය ධුරයට පත් වීමෙන් අනතුරුව ඇය නිරත වන පළමු විදෙස් සංචාරය මෙයයි.
නේපාල විදේශ අමාත්‍ය Bimala Rai Paudyal සිය ශ්‍රී ලංකා සංචාරය අතරතුරදී ජනාධිපති රනිල් වික්‍රමසිංහ, අග්‍රාමාත්‍ය දිනේෂ් ගුණවර්ධන සහ විදේශ අමාත්‍යවරයා ඇතුළු මෙරට ඉහල පෙලේ නියෝජිතයින් සමග සාකච්ඡා පැවැත්වීමට ද නියමිතය.