කළුතර ශික්‍ෂණ රෝහලේ සහකාර අධිකරණ වෛද්‍ය නිලධාරිවරයෙකු අතුරුදන් බවට ලද පැමිණිල්ලක් ලැබී ඇති බව කළුතර දකුණ පොලිසිය පවසයි.
මෙලෙස අතුරුදන්ව ඇත්තේ එල්.සී. ජයසිංහ නමැති වෛද්‍යවරයෙකි.
අධිකරණ වෛද්‍ය නිලධාරිවරයාගේ බිරිය කළ පැමිණිල්ලක් මත පරීක්‍ෂණ ආරම්භ කර ඇතැයි පොලිසිය කියයි.
වෛද්‍යවරයා පැමිණි බව කියන මෝටර් රථය පෙරේදා (14) රාත්‍රි කළුතර පාලම ආසන්නයේ දමා ගොස් තිබී හමුව ඇති බව ද පොලිසිය සඳහන් කරයි.
වෛද්‍යවරයා ගඟට වැටුණේදැයි සොයා බැලීමට මේ වන විට බෝට්ටු දෙකක් දමා කළු ගඟේ මෙහෙයුමක් කරන බවත් පොලිසිය කීය.
කළුතර දකුණ පොලිසිය පරීක්‍ෂණ පවත්වයි.