රාජ්‍ය ඇමතිනී ඩයනා ගමගේ මහත්මිය සහ මන්ත්‍රීවරුන් දෙදෙනකු අතර පාර්ලිමේන්තු පරිශ්‍රයේදී ඇතිවූ ගුටිබැට හුවමාරුව සම්බන්ධයෙන් කරුණු සොයා බැලීමට පත් කෙරුණු කමිටුව අද (6)දින රැස්වීමට නියමිතය.
මේ සිද්ධිය සම්බන්ධයෙන් නම සඳහන්වූ සියලු දෙනා අද මෙම කමිටුව හමුවට කැඳවීමට නියමිතය.
එසේම මෙම කමිටුව සඳහා පාර්ලිමේන්තු මන්ත්‍රීවරියන් දෙදෙනෙකුගේද සහාය ලබා ගැනීමට තීරණය කර ඇත.
පාර්ලිමේන්තු මන්ත්‍රිනියන් වන වෛද්‍ය සුදර්ශනී ප්‍රනාන්දුපුල්ලේ සහ තලතා අතුකෝරල යන මහත්මීන් මේ සඳහා සහාය දක්වනු ඇත.
මෙම කමිටුවේ සභාපතිවරයා ලෙස නියෝජ්‍ය කතානායක අජිත් රාජපක්ෂ මහතා කටයුතු කරයි.