මෙම වසරේ සංවර්ධන සැලසුම් 29ක් ගැසට් කිරීමට නියමිත බව නාගරික සංවර්ධන අධිකාරිය පවසයි.
ඊට අදාල කටයුතු කඩිනමින් කරන්නැයි නාගරික සංවර්ධන හා නිවාස අමාත්‍ය ප්‍රසන්න රණතුංග මහතා නිලධාරීන්ට උපදෙස් ලබා දී තිබේ.
මාතර, හික්කඩුව, අම්බලන්ගොඩ, සීතාවක, සීතාවකපුර, පානදුර, හොරණ, වත්තල, ජා-ඇළ, ගම්පහ, කටාන, මහර, කැකිරාව, තලාව, මාවනැල්ල, කුණ්ඩසාලේ, නාවලපිටිය, ගම්පොළ, හැටන්, වැලිමඩ, බණ්ඩාරවෙල, වැල්ලවාය, වව්නියාව, මඩකලපුව, අම්පාර සංවර්ධන සැලසුම් මෙලෙස ගැසට් කිරීමට නියමිතය.
එමෙන්ම ජනාධිපති රනිල් වික්‍රමසිංහ මහතාගේ උපදෙස් පරිදි ත්‍රිකුණාමලය සංවර්ධන සැලසුම, ඇල්ල සංවර්ධන සැලසුම, හම්බන්තොට සංවර්ධන සැලසුම හා හික්කඩුව සංවර්ධන සැලසුම ගැසට් කිරීමට නියමිත බවද නාගරික සංවර්ධන අධිකාරිය සඳහන් කරයි. මේ අතරින් ඇල්ල සංවර්ධන සැලසුම මේ වනවිට ගැසට් කර තිබේ.