ගාසා තීරයේ කොටු වී සිටින පලස්තීනුවන් වෙනුවෙන් මානුෂික ආධාර හෙට (20)දිනය වනවිට යැවීමට හැකි වෙතැයි අමෙරිකාව පවසයි.
ඊජිප්තු බලධාරීන් ‘රෆා’ පිවිසුම විවෘත කිරීමට එකඟ වූ බව ජාත්‍යන්තර මාධ්‍යය පවසයි.
ඊශ්‍රායලයේ සංචාරයක නිරත වූ අමෙරිකානු ජනපති ජෝ බයිඩන් ද ඒ බව පවසා තිබිණි.
මීට දින 13කට පමණ පෙර හමාස් සටන්කාමීන් ඊශ්‍රායලයේ ජනපද කිහිපයකට පහර දුන් අතර, එහි දී විශාල පිරිසක් ඝාතනය කර තිබිණි.
අනතුරු ව ඊශ්‍රායලය ප්‍රතිප්‍රහාර එල්ල කිරීම ඇරඹීය.
මේ වනවිට දෙපාර්ශවයේම 5,000කට අධික පිරිසක් මියගොස් තිබේ.
එසේම හමාස් සටන්කාමීන් විසින් ප්‍රාණඇපකරුවන් ලෙස 200ක පමණ පිරිසක් රඳවා ගෙන සිටින බව සඳහන්ය.