ශිෂ්‍යත්ව විභාගය වෙනුවෙන් තලාව නගරයේ පැවති ශිෂ්‍යත්ව සම්මන්ත්‍රණයකට සහභාගි වී සිය මව සමග යතුරැ පැදියෙන් නිවසට යමින් සිටියදි තලාව නගරයේ වට රවුමේදි ඉන්ධන බවුසරයක ගැටි බරපතල තුවාල ලබා දැරියක් එම ස්ථානයේම මිය ගොස් තිබේ.
මිය ගොස් ඇත්තේ කරගහවැව,තලාව යන ලිපිනයේ පදිංචිව සිටි නිසංසා නෙත්සරණි විමලසේන (10) නැමති දැරියකි.
ඇය තලාවේ ප්‍රාථමික විදුහලේ පස්වන ශ්‍රේණියේ අධ්‍යාපනය හදාරමින් සිටි සිසුවියකි.
මෙම අනතුරින් 47 හැවිරිදි දැරියගේ මවද බරපතල තුවාල ලබා අනුරාධපුර ශික්ෂණ රෝහලට ඇතුලත් කොට තිබේ.
යටියන්තොට ප්‍රදේශයේ පදිංචි 34 හැවිරිදි ඉන්ධන බවුසරයේ රියදුරා පොලිසිය මගින් අත්අඩංගුවට ගෙන ඇති අතර ඔහු අද(11)දින අධිකරණයට ඉදිරිපත් කිරිමට නියමිතව තිබුණි.