තීරුබදු නොමැතිව නීති විරෝධීව මෙරටට ආනයනය කර තිබූ රුපියල් ලක්ෂ පහකට අධික වටිනා දුම්වැටි තොගයක් සමඟ සැකකරුවෙකු කඳාන උතුරු බටගම ප්‍රදේශයේ දී අත්අඩංගුවට ගත් බව විශේෂ කාර්ය බලකාය පවසයි.
වැටලීම සිදුකරන අවස්ථාවේ සැකකරු සන්තකයේ දුම්වැටි 6000 ට අධික ප්‍රමාණයක් තිබී ඇත.
මෙම සැකකරු සම්බන්ධයෙන් නාවික හමුදාව ලබාදුන් තොරතුරකට විශේෂ කාර්ය බලකායේ ගෝනහේන කඳවුරේ භට කණ්ඩායම් විසින් මෙම වැටලීම සිදුකර ඇත.
අත්අඩංගුවට ගෙන ඇත්තේ කඳාන ප්‍රදේශයේ පදිංචි වයස අවුරුදු (52) පුද්ගලයෙකි.
සැකකරු සහ දුම්වැටි තොගය වැඩිදුර පරීක්ෂණ සඳහා කඳාන පොලීසියට බාර දී ඇත.