Colombo Today Local News

වැට් බදු සංශෝධන පනත් කෙටුම්පත අද යළි පාර්ලිමේන්තුවට..

වැට් බදු සංශෝධන පනත් කෙටුම්පත අද(11)දින යළි පාර්ලිමේන්තුවට ඉදිරිපත් කරන බව, මුදල් රාජ්‍ය අමාත්‍ය රංජිත් සියඹලාපිටිය මහතා පවසයි.

නිවේදනයක් නිකුත් කරමින් අමාත්‍යවරයා සඳහන් කරන්නේ, අද දිනයේ එම පනත් කෙටුම්පත සම්මත කරගන්නා බවයි.

අදාළ කෙටුම්පත පසුගිය අගෝස්තු මාසයේ පාර්ලිමේන්තුවට ඉදිරිපත් කෙරිණ.

වැට් බද්දට අයත් අදාළ භාණ්ඩ ලැයිස්තුව ඊට ඇතුළත් බව අමාත්‍යවරයා සඳහන් කළේය.

ඊයේ දිනයේ එම භාණ්ඩ ලැයිස්තුව ඉල්ලමින් විපක්ෂය අනවශ්‍ය ගැටලුවක් නිර්මාණය කිරීමට උත්සහ කළ බව අමාත්‍යවරයා පැවසුවේ ය.

මේ අතර, වැට් බදු පනත් කෙටුම්පතට එරෙහිව ඡන්දය ප්‍රකාශ කිරීමට ශ්‍රී ලංකා නිදහස් පක්ෂය තීරණය කර තිබේ.

නිවේදනයක් නිකුත් කරමින් එම පක්ෂය මේ බව සඳහන් කළේ ය.

අදාළ නිවේදනය නිකුත් කෙරුණේ, ශ්‍රී ලංකා නිදහස් පක්ෂයේ ප්‍රචාරක ලේකම් තිසර ගුණසිංහ මහතාගේ අත්සනින් ය.

වැට් බදු සංශෝධන පනත් කෙටුම්පත ඊයේ පාර්ලිමේන්තුවට ඉදිරිපත් කෙරුනද ගණපූරණය නොමැතිවීම හේතුවෙන් පාර්ලිමේන්තුව අද පෙරවරු 9.30 දක්වා කල් තැබුණි.

නව කෙටුම්පතට අනුව මෙතෙක් 15% ක්ව පැවති වැට් බද්ද 18% ක් දක්වා ඉහළ යනු ඇති.

ඒ යටතේ මෙතෙක් බදු අය නොකළ සෞඛ්‍ය උපකරණ, ජලය, විදුලිය, ඛණිජ තෙල්, ආහාර ද්‍රව්‍ය, කෘෂි උපකරණ ඇතුළු භාණ්ඩ රැසකට බදු පැනවීමට යෝජනා කර තිබේ.

Related posts

ගම්මන්පිලගේ නඩුවේ සාක්ෂි බිදවැටේ.. බොරු කියූ බව ඕස්ට්‍රේලියානු සාක්ෂිකරු පිළිගනී

colombotoday

මෛත්‍රී ගුණරත්නගේ පුතාට පහරදීමේ සිද්ධිය සම්බන්ධයෙන් වැඩ තහනමකට ලක්වූ පෑලියගොඩ OIC යළි සේවයේ පිහිටුවයි

colombotoday

වනිඳු ට යලිත් තරග තහනමක්

Admin

අන්තරේ කැඳවුම්කරු ඇතුළු සිව්දෙනා තවදුරටත් රිමාන්ඩ්

colombotoday

පොලිස්‌ රියට බෝම්බ ගසා 10ක්‌ ඝාතනය කළ කොටියාට නවාතැන් දුන් සිද්ධියේ සැකකරුට නිදහස

colombotoday

චන්ද්‍රිකා නැවතත් ක්‍රියාකාරී දේශපාලනයට.. අත්තනගල්ල ශ්‍රීලනිප සංවිධායක ලෙස පත්කෙරේ

colombotoday