.jpg)
පොළොන්නරුව සහ අනුරාධපුර දිස්ත්‍රික්කවලට බලපා තිබෙන දැඩි නියගය හේතුවෙන් රජරට විශ්වවිද්‍යාලයේ පීඨ තුනක් අද (29) දිනයේ සිට දින නියමයක් නැතිව වසා දැමීමට විශ්වවිද්‍යාල පාලනාධිකාරිය තීරණය කර තිබේ.
පවතින ජල හිඟය හේතුවෙන් මෙම තීරණය ගත් බවත්, ඒ අනුව සමාජ විද්‍යා හා මානව ශාස්ත්‍ර පීඨය, ව්‍යවහාරික විද්‍යා පීඨය සහ කළමනාකරණ පීඨය මෙසේ දින නිමයක් නොමැතිව වසා දැමීමට තීරණය කළ බවත් රජරට විශ්වවිද්‍යාලයේ උප කුලපති මහාචාර්ය රංජිත් විජේවර්ධන මහතා සඳහන් කළේය.
මේ දින වල පොළොන්නරුව, අනුරාධපුර දිස්ත්‍රික්කවලට බලපා තිබෙන දැඩි නියඟය හේතුවෙන් ජල සැපයුම සීමා කර ඇති අතර බවුසර් මගින් ජලය සැපයුවද එය ප්‍රමාණවත් නොවන බව සඳහන්ය. මේවන විට මහ වැව් සහ කුඩා ප්‍රමාණයේ වැව් බොහෝමයක් සිදී ගොස් ඇති බවද වාර්තා වේ.