Colombo Today Local News

දුම්රිය වර්ජනයක්?

දුම්රිය ස්ථානාධිපතිවරුන් 467ක පුරප්පාඩුව සහ වසර 12ක් තිස්සේ ලැබී නොමැති උසස්වීම් ඇතුළු ඉල්ලීම් කිහිපයකට විසඳුම් ලබා නොදුනහොත් ලබන 23යින් පසුව වෘත්තීය ක්‍රියාමාර්ගවල නිරතවීමට සිදුවන බව දුම්රිය ස්ථානාධිපතිවරුන්ගේ සංගමයේ සභාපති සුමේද සෝමරත්න මහතා පැවසීය.

දුම්රිය ස්ථානාධිපතිවරුන් 1372ක් සිටිය යුතු වුවත් දැනට සිටින්නේ 905ක් පමණ බවද මීට පෙර පැවැත්වූ විභාගයෙන් දුම්රිය ස්ථානාධිපතිවරුන් 100ක් බඳවා ගැනීමට අනුමැතිය ලබාදී ඇතත් එම බඳවා ගැනීම් නොව නව බඳවා ගැනීම් සිදුකිරීමට විභාගයක්වත් පවත්වා නැති බවද සෝමරත්න මහතා පැවැසීය.

දුම්රිය ස්ථානාධිපතිවරුන්ට වසර පහෙන් පහට උසස්වීම් ලබාදිය යුතු වුවත් 2013 සිට මේ දක්වා එම උසස්වීම් ලබාදී නැතැයිද ඔහු කීය. පවතින ගැටලු සම්බන්ධයෙන් ඊයේ වන තෙක් ප්‍රවාහන ඇමැතිවරයා සාකච්ඡාවක් පවා ලබාදී නැතැයිද එවැනි පිළිවෙතක් අනුගමනය කරන්නේ නම් 23 වැනිදායින් පසු ගන්නා ක්‍රියාමාර්ගය කුමන එකක්ද යන්න ඉදිරි දිනවල සාකච්ඡා කර තීරණයක් ගන්නා බවද ඔහු වැඩිදුරටත් පැවසීය.

-චමින්ද සිල්වා

Related posts

තැපැල් සේවක වෘත්තීය සමිති වැඩවර්ජනය නවතී..

colombotoday

යාපනයේ ස්ථානයකට ප්‍රහාරයක්… හිටපු මන්ත්‍රීවරයෙක් සැගවෙයි

colombotoday

විද්‍යුත් වාහන ආනයනයට බලපත්‍ර ලබාදීමේ යෝජනා ක්‍රමය දීර්ඝ කෙරේ…

Admin

නිකං දෙනවා කිවුවේ. පොහොර සල්ලිවලටවත් නෑ

colombotoday

මුජිබුර් රහුමාන් මන්ත්‍රී අසුනේ ෆවුසි දිවුරුම් දෙයි

Admin

ලංකාවේ නිල ණය හිමියන් ණය ප්‍රතිව්‍යුහගතකරණයට එකඟ වූ බව ෂෙහාන් මැති සබයට සතුටින් දැනුම් දෙයි

Admin