රටේ පොල් හිඟයක් නැතැයි ද විපක්ෂය රටේ පොල් මාෆියාවක් හදමින් හිඟයක් නිර්මාණය කිරීමට කටයුතු කරමින් ඇතැයි වෙළෙඳ, වාණිජ, ආහාර සුරක්ෂිතතා සහ සමූපකාර සංවර්ධන අමාත්‍ය වසන්ත සමරසිංහ චෝදනා කරයි.
ඇමැතිවරයා පෙන්වා දෙන්නේ සතොස ඔස්සේ සති දෙකකට පොල් ගෙඩි ලක්ෂ 15ක් බෙදා හරින්නේ වෙළඳපොළේ පොල් ගෙඩියක් රු. 200 ඉක්මවා යෑම පාලනය කිරීමට බවයි.
මෙම පොල් හිඟයට හේතුව පසුගිය වසරට වඩා මේ වසරේ පොල් අස්වැන්න 14%කින් පමණ අඩු වීම නිසා යැයි ද ඇමැති සමරසිංහ සඳහන් කරයි.
ඇමැතිවරයා අද (05) පාර්ලිමේන්තුවේ දී මේ බව ප්‍රකාශ කළේ, සතොස ඔස්සේ සති දෙකකට පොල් ගෙඩි ලක්ෂ 10ක් බෙදා හැර ප්‍රමාණවත් නොවන බවට සහ රටේ දෛනික පොල් අවශ්‍යතාව ලක්ෂ 40ක් බවට පාර්ලිමේන්තු මන්ත්‍රී ඩී.වී. චානක සිදුකළ ප්‍රකාශයට පිළිතුරු ලබා දෙමිනි.