සිය ආණ්ඩුව බලයට පත්වීමට පෙර එල්ල කළ සියලු චෝදනා අද වන විට අසත්‍ය වී ඇතැයි ජවිපෙ ප්‍රධාන ලේකම් ටිල්වින් සිල්වා පවසයි.
මාලිමාණ්ඩුවට ජාත්‍යන්තර සහය නොලැබෙන බව ප්‍රකාශ කළ ද මේ වන විට ලංකාවේ වැඩිම ජාත්‍යන්තර සහයක් ලද ආණ්ඩුව බවට සිය ආණ්ඩුව පත්ව ඇතැයි ද ඔහු පෙන්වා දෙයි.
ලොව පුරා රටවල තානාපති නිලධාරීන් ජනාධිපතිතුමා ප්‍රමුඛ ආණ්ඩුවේ ප්‍රධානීන් හමු වී සහය පලකරමින් ඇතැයි ද ඔවුන් මුණ ගැසීමට දින ලබා දීම ද ගැටලුවක් බවට පත්ව ඇතැයි හෙතෙම සඳහන් කරයි.
මෙවර පාසල් නිල ඇඳුම් සඳහා සියලු රෙදි නොමිලේ ලබා දීමට චීනය තීරණය කර ඇති බවත් ලොව බලගතු රටවල් නියෝජනය කරන බ්‍රික්ස් සමුළුවට ලංකාව එකතු කර ගැනීමට ඔවුන් සූදානම් බව ද ටිල්වින් සිල්වා සඳහන් කළේය.
ජාතික ජන බලවේග ජනහමුවක් අමතමින් ඔහු මේ බව කීය.