Colombo Today Local News

කාළගුණයට සයිබර් ප්‍රහාරයක්

කාලගුණ විද්‍යා දෙපාර්තමේන්තුවේ වෙබ් අඩවියට සයිබර් ප්‍රහාරයක් එල්ලවී ඇතැයි තොරතුරු අනාවරණය වේ.

දෙපාර්තමේන්තුවේ වෙබ් අඩවිය තුළ මේ මාසයේ මුල සිටම ගැටලු තත්ත්වයන් පැවැති බවට තොරතුරු අනාවරණය වේ. වෙබ් අඩවිය ඔස්සේ වෙනත් වෙබ් අඩවිවලට පිවිසීමට ගැටලු තත්ත්වයන් මතුවී තිබිණි. නමුත්, වෙබ් අඩවිය පවත්වාගෙන යාමට දෙපාර්තමේන්තුවේ පරිගණක අංශ නිලධාරීන් කටයුතු කළේය.

ශ්‍රී ලංකා තොරතුරු හා සන්නිවේදන තාක්ෂණ ඒජන්සිය ඔස්සේ පහසුකම් ලබාගනිමින් කාලගුණික විද්‍යා දෙපාර්තමේන්තුවේ වෙබ් අඩවිය ක්‍රියාත්මක වන්නේය. දෙපාර්තමේන්තුවේ වෙබ් අඩිවියේ ගැටලු තත්ත්වය සම්බන්ධයෙන් එම ආයතනය දැනුවත් කිරීමට ඉකුත් සිකුරාදා (08 වැනිදා) කාලගුණ විද්‍යා දෙපාර්තමේන්තුව කටයුතු කර තිබිණි. නමුත්, ශ්‍රී ලංකා තොරතුරු හා සන්නිවේදන තාක්ෂණ ඒජන්සියෙන් යහපත් ප්‍රතිචාරයක් නොලැබුණු බවද පැවැසේ. එම ආයතනය කාලගුණ විද්‍යා දෙපාර්තමේන්තුවට දැනුම්දී ඇත්තේ වෙබ් අඩවියේ කටයුතු සකස් කිරීම සඳහා අවබෝධතා ගිවිසුමක් අත්සන් කළයුතු බවය.

නමුත්, මෙම අවස්ථාවේ අවබෝධතා ගිවිසුමක් අත්සන් කිරීමට නොහැකි බැවින්, දෙපාර්තමේන්තුවේ වෙබ් අඩවිය පැවැති තත්ත්වයෙන්ම සකස් කරදෙන ලෙසට ශ්‍රී ලංකා තොරතුරු හා සන්නිවේදන තාක්ෂණ ඒජන්සියට දැනුම්දී ඇත.

දෙපාර්තමේන්තුවේ වෙබ් අඩවියට එල්ල වන ලද සයිබර් ප්‍රහාරය හෝ වෙනත් බරපතළ ගැටලු සම්බන්ධයෙන් පියවර ගතහැකි එකම ආයතනය වන්නේ ශ්‍රී ලංකා තොරතුරු හා සන්නිවේදන තාක්ෂණ ඒජන්සිය වේ.

මෙම සයිබර් ප්‍රහාරය හේතුවෙන් දෙපාර්තමේන්තුවේ වෙබ් අඩවිය පෙරේදා (11 වැනිදා) දිනයේදී ක්‍රියාත්මක නොවීය.

මේ සම්බන්ධයෙන් එම දෙපාර්තමේන්තුවේ නියෝජ්‍ය අධ්‍යක්ෂ (අනාවැකි) මෙරිල් මෙන්ඩිස් සඳහන් කර සිටියේ මෙය සයිබර් ප්‍රහාරයක් ද යන්න සම්බන්ධයෙන් පරීක්ෂා කෙරෙන බවත්, ඊයේ (12 වැනිදා) දිනය තුළදී එය යථා තත්ත්වයට පත් කිරීමට උත්සාහ කරමින් පැවැති බවත්ය.

Related posts

දැනටත් අගමැති මමයි.. පුලුවන්නම් බහුතරය පෙන්වන්න – අගමැතිගෙන් ජනපතිට අභියෝගයක්

colombotoday

Air China ශ්‍රී ලංකාව සමග යළි ගුවන් ගමන් අරඹයි

Admin

සිමෙන්ති කම්හලක් බව පවසා හම්බන්තොට ඉදිකරන තෙල් පිරිපහදුව සහ කොන්ක්‍රීට් අංගනයට පරිසර සහතික නෑ

colombotoday

මගේ දරුවට ටියුෂන් වෙනුවෙන් මාසෙකට රු. 65000ක් වියදම් වෙනවා

colombotoday

මෝඩ බයියො ෆේස්බුක් එකේ මඩ ගහනවා.. මං කෝටියකට වැඩි ආධාර දුන්නා.. ආයිත් බයියන්ට ආණ්ඩුව දෙන්නෑ

colombotoday

තරුණයෙකු ලුහුබැඳ කපා කොටා ඝාතනය කල හැටි සීසීටීවී කැමරාවේ…

Admin