රට පාලනයට සුදුසුම කණ්ඩායම සිටින්නේ නම් සමගි ජන බලවේගයේ නම් පසුගිය ජනාධිපතිවරණයේ දී ජනතාව බලය දෙන්නේ ඔවුන්ට බව හිටපු අමාත්‍ය සුසිල් ප්‍රේමජයන්ත පවසයි.
ඔහු පෙන්වා දෙන්නේ එසේ නැත්නම් පසුගිය ජනාධිපතිවරණයේ දී සජබ නායකයා හොඳ නැතැයි ජනතාව තීන්දු කර ඇති බවයි.
අද එම කණ්ඩායමට බලය ලබා දෙන ලෙස ඉල්ලා සිටිය ද එය මෙහෙය වන්නේ එම නායකයා ම බවයි, සුසිල් ප්‍රේමජයන්ත අවධාරණය කළේ.
අනෙක් අතට රට පාලනයට සුදුසුම කණ්ඩායම සජබ නම් 2022 මැයි මස රට භාරගත යුතුව තිබූ බවත් දැන් ඔවුන්ට රට භර දීමට ජනතාව සූදානම් නැති බවත් ඔහු වැඩි දුරටත් ප්‍රකාශ කරයි.
ඊයේ (29) මාධ්‍ය හමුවකට එකතු වෙමින් සුසිල් ප්‍රේමජයන්ත මේ බව කීය.