ඓතිහාසික ශ්‍රී දළදා මාළිගාව තුළ මංගල ඡායාරූප (ෆ්‍රී ෂූට්) රූගත කළ යුවළගෙන් මහනුවර පොලිසිය ප්‍රකාශයක් සටහන් කරගැනීමට තීරණය කර තිබෙනවා.
ඒ, දියවඩන නිළමේ ප්‍රදීප් නිලංග දෑල මහතා සිදු කළ දැනුම්දීමකට අනුවයි.
දළදා මැදුර තුළ හේවිසි මණ්ඩපය, අම්බරාව ඇතුළු ස්ථාන ගණනාවක මෙම යුවළ ඡායාරූපවලට පෙනී සිට තිබුණා.
මේ සම්බන්ධයෙන් සමාජ මාධ්‍ය තුළ ද දැඩි කතාබහක් නිර්මාණය වූ බව සඳහන්.
මේ පිළිබඳව තමන් දැනුවත් කිරීමෙන් අනතුරුව පොලිසියට දැනුම්දුන් බවයි, දියවඩන නිළමේ ප්‍රදීප් නිලංග දෑල මහතා කියා සිටියේ.
මෙහිදී දලඳා මාලිගාවේ ආරක්ෂාවට සිටින පොලිස් නිලධරීන්ගෙන් සිදුකල ප්‍රශ්න කිරීම් වලදී ඔවුන් පවසා සිටියේ ඉහළ බලපෑමක් මත මෙම යුවලට මංගල ඡයාරූපගත කිරීමට ඉඩ සැලැස්වීමට සිදු වූ බවයි.