විල්පත්තු ජාතික වනෝද්‍යානයේ අධි රක්ෂිතයට අයත් අක්කර දහස් ගණනක භූමියක් නිති විරෝධි ලෙස එළිපෙහෙළි කරමින් ජාතිවාදී පදනමින් නැවත පදිංචි කිරීම හා අනවසර ඉදිකිරීම් කරන පුද්ගලයන්ට එරෙහිව නීතිමය පියවර ගන්නා ලෙස බලධාරීන්ට නියෝග කරන්නැයි ඉල්ලා පිරිසරික යුක්ති කෙන්ද්‍රනය ගොණු කළ රීට් පෙත්සම සම්බන්ධයෙන් වගඋත්තරකාර අමාත්‍ය රිෂාඩ් බදුර්දීන් ඊයේ (31) අභියාචනාධිකරණය හමුවේ විරෝධතා ගොණු කර ඇත.
පෙත්සම සැප්තැම්බර් 30 වැනිදා සලකා බැලීමට අභියාචනාධිකරණය තීරණය කළේය.
සභාපති විනිසුරු විජිත් මළල්ගොඩ සහ විනිසුරු ප‍්‍රීති පද්මන් සූරසේන මහත්වරුන් හමුවේ පෙත්සම කැඳවිණි.
මෙහි වගඋත්තරකරුවන් වශයෙන් වනජීවී අධ්‍යක්ෂ ජනරාල් ,මධ්‍යම පරිසර අධිකාරිය, මන්නාරම දිස්ත‍්‍රික් ලේකම්, අමාත්‍ය රිෂාඞ් බදියුදීන්, නීතිපතිවරයා ඇතුළු නම දෙනකු නම් කරනු ලැබ සිටිති.
ජාතික පාරිසරික පනත උල්ලංඝනය කරමින් විල්පත්තු වන රක්ෂිතයේ සිදු කෙරෙන මෙම එලිපෙහෙළි කිරීම් නිසා එම වන රක්ෂිතයේ ජෛව විවිධත්වයට දැඩි හානි සිදුව ඇතැයි පෙත්සම්කරු සිය පෙත්සමින් කියා සිටී.