සීනි නිෂ්පාදන සදහා අය කරන බදු ප්‍රතිශත ඉහළ නැංවීම සදහා අමාත්‍ය මණ්ඩලයට යෝජනාවක් ඉදිරිපත් කරන බව සෞඛ්‍ය අමාත්‍ය රාජිත සේනාරත්න මහතා පවසයි.
බෝ නොවන රෝගවලට වැඩිම හේතුව සීනි නිෂ්පාදන වැඩියෙන් පරිභෝජන කිරීම බවත්, ජනතාව එම උවදුරින් ගලවා ගැනීම සදහා මෙම පියවර ගන්නා බවත් ඇමතිවරයා පෙන්වා දෙයි.
සීනි සඳහා බදු ඉහළ නැංවිය යුතු බවට තමන් මීට පෙර ද ප්‍රකාශ කළ අතර ඊට විවිධ විවේචන එල්ල වූ බව රාජිත සේනාරත්න අමාත්‍යවරයා පවසයි.
එහෙත් බෝ නොවන රෝග වැළැක්වීමේ අරමුණින් එංගලන්තය වැනි රටවල ද සීනි සඳහා අය කෙරෙන බදු ප්‍රතිශත ඉහළ දමා ඇති බව ඔහු සඳහන් කළේය.
ශ්‍රී ලංකා වාණිජ මණ්ඩලයේ බීම නිෂ්පාදන සමාගම් නියෝජිතයින් සමග පැවති විශේෂ සාකච්ඡාවකදී අමාත්‍ය රාජිත සේනාරත්න මහතා මෙම අදහස් පල කළේය.