විද්‍යාත්මක දත්ත මත පදනම්ව කුකුළු මස් මිල තීරණය කිරීම සඳහා පශු සම්පත් ගොවිපොළ ප්‍රවර්ධන හා කිරි හා බිත්තර ආශ්‍රිත කර්මාන්ත රාජ්‍ය අමාත්‍යාංශයේ ලේකම්වරයාගේ ප්‍රධානත්වයෙන් තාක්ෂණික කමිටුවක් පත්කර ඇති බව එම අමාත්‍යාංශය සඳහන් කරයි.
එම කමිටු වාර්තාව ඉදිරි සති දෙක ඇතුළතදී සමුපකාර සේවා, අලෙවි සංවර්ධන හා පාරිභෝගික ආරක්ෂණ රාජ්‍ය ඇමැති ලසන්ත අලගියන්න වෙත ලබාදීමට නියමිතය.
කුකුළු පැටියකු සෑදීම සඳහා යන වියදම, ජල වියදම, විදුලි ගාස්තු ආදිය මෙම කමිටුව විසින් නිරීක්ෂණය කර සම සහිත, සම රහිත, ජීව බර සහිත ආදී වශයෙන් කුකුළු මස් කිලෝවක් නිෂ්පාදනය කිරීමට යන වියදම්ද ගණන් බැලීමට නියමිතය.