මේ දින කීපයේ ඇදහැලෙන වර්ෂාව පතනය හේතුවෙන් දඹුල්ල ඉබ්බන්කටුව ජලාශය සම්පූර්ණයෙන්ම පිරීයාමෙන් අද (21)දින වාන් දොරටු තුනක් විවෘත කර දැමූ බව මහවැලි නිලධාරීහු පවසති.
ඒ අනුව ඉබ්බන්කටුව ජලාශයෙන් තත්පරයකට ඝන අඩි 2460 ක ජල ප්‍රමාණයක් කලා වැවට මුදා හැර ඇති බවත් තවදුරටත් වර්ෂාව පතිත වුව හොත් දැනට විවෘත කර ඇති දොරටු තුනට අමතරව ඉතිරි දොරටු දෙකද විවෘත කිරීමට නියමිත බවත් මහවැලි නිලධාරීහු සඳහන් කර සිටිති.
ඉබ්බන්කටුව ජලාශය හරහා කලා වැව දක්වා ජලය රැගෙන යන දඹුලු ඔය දෙපස ජනතාව දැඩි අවධානයෙන් සිටිය යුතු බවත් වර්ෂාපතනය වැඩි වුවහොත් සොරොව් විවෘත කිරීමෙන් ප්‍රදේශය ඇළ මාර්ගවලට බැසීමෙන් වළකින්නැයි මහවැලි නිලධාරීන් ජනතාවට ගෙන් ඉල්ලීමක් කර සිටිති.
මේ අතර ඉබ්බන්කටුව ජලාශයෙන් ලැබෙන ජල ප්‍රමාණය සමග ක්‍රමක්‍රමයෙන් කලා වැවේ ජල මට්ටම ද ඉහල යමින් පවතින බව වාරිමාර්ග ඉංජිනේරුවරු සඳහන් කර සිටිති.