යුද හමුදාවේ ගැමුණු සේවා බලකායට අයත් කුරුවිට කඳවුරකදී පැරණි බුද්ධ ප්‍රතිමා ආකෘතියක් පුළුස්සා දැමීමක් පිළිබඳව සමාජ මාධ්‍ය ඔස්සේ පැතිර යනවා.
එම පුවත් සම්බන්ධයෙන් අප යුද හමුදා මාධ්‍ය ප්‍රකාශකගෙන් විමසීමක් කළා.
යුද හමුදා මාධ්‍ය ප්‍රකාශක බ්‍රිගේඩියර් චන්දන වික්‍රමසිංහ මහතා ප්‍රකාශ කළේ, මෙම බුද්ධ ආකෘතිය 2014 වසරේ වාර්ෂික වෙසක් සහ පොසොන් කලාපවල ප්‍රදර්ශනය කිරීම සඳහා බට පතුරු සහ කඩදාසි පල්ප වලින් තැනූ බුදු පිළිම අනුරුවක් බවයි.
වසර ගණනාවක් ප්‍රදර්ශනය කිරීමෙන් පසු , ප්‍රදර්ශනයට නුසුදුසු තත්ත්වයට පත්වීම හේතුවෙන් බුද්ධ අනුරුව කුරුවිට ශ්‍රී බෝධි මාලකාරාම විහාරස්ථානයේ නායක ස්වාමීන්ද්‍රයන් වහන්සේගේ අනුශාසනා ලබා ගෙන නිසි ආගමික වත්පිළිවෙත් සිදු කර ඉන් අනතුරුව එම අනුරුව ඉවත් කළ බවයි ඒ මහතා සඳහන් කළේ.