Colombo Today Local News

ලොව ප්‍රථම පරිසර හිතකාමී ස්මාර්ට් මුව ආවරණය ලංකාවේ නිපදවයි

බ්ලූටූත් තාක්ෂණය හරහා හුස්ම ගන්න ඔක්සිජන් ප්‍රමාණයත් මනින්න පුලුවන් මුව ආවරණයක් හදයි.

තිරසාර නිෂ්පාදන ක්‍රියාවලියක් යටතේ ශ්‍රී ලංකාවේ නිෂ්පාදිත ලොව ප්‍රථම පරිසර හිතකාමී ස්මාර්ට් මුව ආවරණය (Smart Face Mask) BreathTech-S3 සන්නාමයෙන් ලොවට හඳුන්වාදීම ඊයේ (19) දින අමාත්‍ය නාමල් රාජපක්ෂ මහතාගේ ප්‍රධානත්වයෙන් ජාතික ක්‍රීඩා සභා පරිශ්‍රයේ දී සිදුවිය.

මෙම පරිසර හිතකාමී ස්මාර්ට් මුහුණු ආවරණය නිෂ්පාදන ක්‍රියාවලියට හයිඩ්‍රාමනී සමූහය(Hirdaramani), ශ්‍රී ලංකා නැනෝ තාක්ෂණික ආයතනය (SLINTEC) සහ සර්කියු ටෙක්නොලොජීස් (CirQ Technologies)යන ආයතන 03 දායක වී තිබේ.

BreathTech-S3 යනු ස්වාභාවිකව දිරාපත්වන සෙලියුලෝස් මත පදනම් වූ අමුද්‍රව්‍ය යොදා නිශ්පාදනය කරන ලද Smart සංවේදකයක් සහිත මුව ආවරණයකි.

එමෙන්ම මේ සඳහා ආරක්ෂිත ජංගම යෙදුමක් ද තිබෙන අතර මෙහි ඇති සංවේදක Bluetooth තාක්ෂණය හරහා ජංගම දුරකථන යෙදුමට සම්බන්ධ වී පැලඳ සිටින ක්‍රීඩකයාගේ ආශ්වාස ප්‍රාශ්වාස කරන ඔක්සිජන් ප්‍රමාණයේ සිට විවිධ වැදගත් දත්ත නිරීක්ෂණය කළ හැකිය.

2021 ටෝකියෝ ඔලිම්පික් උළෙල සඳහා ශ්‍රී ලංකා කණ්ඩායමට මෙම ස්මාර්ට් මුහුණු ආවරණය ලබා දී තිබේ.

May be an image of 4 people, people standing and indoor
ලොව ප්‍රථම ස්මාර්ට් මුව ආවරණය ලංකාවේ නිපදවයි

Related posts

ගුරු-විදුහල්පතිවරුන් හෙට වැඩවර්ජනයක

colombotoday

අඩු ටෙන්ඩරය අහෝසි කර වැඩි මිලට ගෑස් අරන් : පරීක්ෂණයක් කරන්න කෝප් කමිටුවෙන් නිර්දේශ

colombotoday

මරාගෙන මැරෙන ප්‍රහාර 20ක් සහරාන්ගේ කණ්ඩායම සැලසුම් කරලා – පාස්කු කොමිසමේදී හෙළිවේ

colombotoday

දූෂණ අක්‍රමිකතාවලින් ලංකාව තවත් පිම්මක් ඉදිරියට… ලෝක දර්ශකයේ අලුත්ම තැන මෙන්න

colombotoday

පහේ හපනුන් ජනප්‍රිය පාසල්වලට තෝරාගන්නා කඩයිම් ලකුණු මෙන්න

colombotoday

මන්ත්‍රීවරුන්ගේ වාහන වලට පොලිසියෙන් අත් පිට මුදලට ඉන්ධන

colombotoday