විධායක ජනාධිපති ක්‍රමය අහෝසි කර නව ආණ්ඩුක්‍රම ව්‍යවස්ථාව සකස් කිරීමට අදාළ කැබිනට් පත්‍රිකාව හෙට කැබිනට් මණ්ඩලයට ඉදිරිපත් කරන බව ජනාධිපති මෛත්‍රීපාල සිරිසේන මහතා පවසයි.
ජනාධිපතිවරයා මේ බව පැවසුවේ, මේ වන විට අරලිය ගහ මන්දිරයේ පැවැත්වෙන උත්සවයකදී ය.
මීට අමතරව මැතිවරණ ක්‍රමය සංශෝධනය කිරීමට අදාළ කැබිනට් පත්‍රිකාව ද කැබිනට් මණ්ඩලයට ඉදිරිපත් කරන බව ජනාධිපතිවරයා එහිදී ප්‍රකාශ කළේ ය.
නොවැම්බර් 9 ColomboToday.com හෙලිකල සත්‍ය පුවත පහතින්
2020 දී විධායක අගමැති මෛත්‍රී?
Nov 9, 2015 @ 16:00
විධායක ජනාධිපති ක්‍රමය මුළුමනින්ම අහෝසි කර පූර්ණ විධායක බලතල සහිත අගමැති තනතුරක් ඇතිකර මෛත්‍රීපාල සිරිසේන ජනාධිපතිවරයා එම තනතුරට පත් කිරීම සදහා රහසිත සැලසුමක් යහපාලන හවුල් ආණ්ඩුවේ මෛත්‍රී හිතවාදී පාර්ශවය විසින් දියත් කර ඇති බව ColomboToday වෙත වාර්තා වනවා.
ජනාධිපතිවරයාට අතිශය සමීප ප්‍රබලයන් පිරිසක් හමුවී මේ පිළිබදව මූලික අදියරේ සාකච්ඡාවක් පවත්වා ඇති අතර 2020 දී පැවැත්වීමට නියමිත මීළග ජනාධිපතිවරණයට පෙර මෙම බල පෙරළිය සිදු කිරීමටත් ඒ සදහා සුදුසු ක්‍රියාමාර්ග පිළිබදව සොයා බැලීම පිළිබදවත් සාකච්ඡාකර ඇතැයි ද එම ආරංචි මාර්ග සදහන් කරනවා.