දීපවාලී උත්සවය යෙදෙන මේ වසරේ ඔක්තෝබර් 29 හෝ 30 දෙදිනෙන් එක් දිනකදී ඉන්දු ලංකා වෙළද සහ සහ සේවා සහයෝගීතා ගිවිසුම (ETCA) ගිවිසුම අත්සන් තැබීමට දෙරට රජයන් එකග වී ඇත.
ජාත්‍යන්තර වෙළද කටයුතු රාජ්‍ය අමාත්‍ය මලික් සමරවික්‍රම හා ඉන්දීය වාණිජ හා කර්මාන්ත අමාත්‍ය නිර්මලා සීතාරාමන් අතර ඉකුත්දා නවදිල්ලියේදී ඇතිවූ සාකච්ඡාවලදී මෙම එකගතාවට පැමිණ තිබේ.
ඒ අනුව එහිදී එකග වී ඇති පරිදි පළමු අදියරේදී මෙරට විශ්වවිද්‍යාල පද්ධතිය තුළ ඇති ආචාර්ය හිගයට පිළියමක් ලෙස ඉන්දියාවෙන් ආචාර්යවරුන් එවීමට කටයුතු කෙරෙනු ඇත. මෙහිදී ශ්‍රී ලංකාවේ සේවයට එක්වන ආචාර්යවරු වසරක සේවා ගිවිසුමකට අත්සන් කල යුතු අතර ඔවුන්ට ශ්‍රී ලංකාවේ විශ්ව විද්‍යාල ප්‍රතිපාදන කොමිසමේ අනුමත වැටුප ශ්‍රී ලංකා රජයෙන්ද ඒ හා සමාන දීමනාවක් ඉන්දීය රජයෙන්ද ලබා දේ.
මේ අතර ඔක්තෝබරයේ අත්සන් කිරීමට යෝජිත ගිවිසුමට විරෝධය දක්වන පාර්ශව බිළිබා ගැනීම සදහා මෙහෙයුමක් ආරම්භ කර ඇති අතර රජයේ අමාත්‍යවරයෙක් හරහා මේවන විටත් ගිවිසුමට විරෝධය පලකළ ඉංජිනේරු ක්ෂේත්‍රයේ 4 දෙනෙකු මිලියන 5 බැගින් සන්තෝසමක් ලබාදී ඇති බවද පැවසේ.
මූලාශ්‍ර – 01