දෙහිවල ජාතික සත්වෝද්‍යානයේ සිංහ දූපතේ සිටි සිංහයාට කොවිඞ් ආසාදනය වීමේ සිද්ධියත් සමග එම සත්වෝද්‍යානයේ සේවකයන්ට සිදුකළ රැපිඩ් ඇන්ටිජන් පරීක්‍ෂාවන්වලදී සත්වෝද්‍යාන සේවකයකුට කොවිඞ් ආසාදනය වී ඇති බවට හෙළිවී ඇතැයි වාර්තා වේ.
එම සේවකයා ඊයේ(18) දිනයේ රෝහල්ගත කිරීමට පියවර ගෙන තිබේ.
ඊයේ දිනයේ දෙහිවල සත්වෝද්‍යානයේ හා එහි වැඩබිමේ සේවකයන් 30 දෙනකුට පමණ රැපිඞ් ඇන්ටිජන් පරීක්‍ෂාවන් සිදුකර තිබුණි.
එසේම අනෙක් සතුන් ද නිරෝධායනය වෙමින් සිටින බවත්, ඉදිරියේදී තවත් සතුන්ගේ පී. සී. ආර්. පරීක්ෂණ සිදුකිරීමට නියමිත බවත් වාර්තාවේ.