කොස්ගම ශාලව යුද හමුදා කදවුරේ ඇතිවූ ගින්න සම්බන්ධ පරීක්ෂණ රහස් පොලීසිය වෙත බාරදෙන ලෙස නීතිය හා සාමය පිළිබද අමාත්‍ය සාගල රත්නායක උපදෙස් දී තිබෙනවා.
යද හමුදාවේ අභ්‍යන්තර සිදුවීම් සම්බන්ධයෙන් වගකීම හමුදා බුද්ධි අංශයට භාර නොදී මෙලෙස රහස් පොලීසියට භාරදීම සම්බන්ධයෙන් සැක සහිත තත්වයක් මතුවන බවටත්, පිරිරීම අහඹු සිදුවීමක් නොවන බවටත් මේ වන විට ඇතැම් පාර්ශව විසින් අදහස් දක්වා තිබෙනවා.
අද අළුයම් කාලයේද සුළු පිපිරීම් කදවුර දෙසින් ඇසුණු බවට වාර්තා වන අතර කදවුර අභ්‍යන්තර තත්වය පිළිබදව මේ වන තුරුත් පූර්ණ තොරතුරක් ලබාගත නොහැකි වී තිබේ.
මේ අතර හමුදා ප්‍රකාශකවරයා සඳහන් කළේ කඳවුරේ සිට වර්ග කිලෝමීටරයක වපසරියෙහි නිවෙස් වෙත නිවැසියන්ට පැමිණීමට තවමත් ඉඩ දිය නොහැකි බව යි.